منتديات برلين
اهلا وسهلا فيك يا كبير منور المنتدى بقول انا ليش المنتدى منور طلع منور بوجودك اهليييييين هلا ولله يلا يا كبير شد حالك وسجل بالمنتدى مشان نصير اخوه وحبايب هلا ولله اي ولله حي الله يلا سجل انا ما دخلني كيف ما إلي علاقه


«®°·.¸.•°°·.¸.•°™منتديات برلين ™°·.¸.•°°·.¸.•°®»
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 لقطات من باب الحاره الجزء الرابع

اذهب الى الأسفل 
كاتب الموضوعرسالة
امير بكلمتي
المدير العام
المدير العام
avatar

ذكر عدد المساهمات : 273
نقاط : 454
تاريخ الميلاد : 11/11/1993
تاريخ التسجيل : 22/03/2009
العمر : 25

مُساهمةموضوع: لقطات من باب الحاره الجزء الرابع   2009-07-10, 21:01



جيراني الأعزاء
السلام عليكم ورحمة الله وبركاته
يمكن عنوان الموضوع كان غريب شوي
بس والله ما كانت لا على البال ولا على الخاطر
من كم يوم اجاني رفيقي وقلي شو رأيك ابو السلم نروح نشوف كيف بيصوروا مسلسل باب الحارة قلتلو منروح
والله رحنا و أول ما دخلنا على الحارة يلي عم يصوروا فيها بمنتزه القرية الشامية على طريق مطار دمشق الدولي فوتوني على غرفة الملابس وقال انته طويل فوت البس تياب درك




انا ما قلت لاء دخلت ولبست تياب درك وطلعت و سلموني بارودة حقيقية واخدوا مني هويتي الشخصية و بعدين صاروا يوزعوا علينا الأدوار انته بتوقف هون وانته هون و شفت المخرج بسام الملا و ابو جودت رئيس المخفر (الممثل زهير رمضان ) وجناب الكومندان( المسؤول عن الدرك الفرنسي ) و الرقيب يلي اخد دوره الممثل علاء قاسم و الممثل فايز القزق يلي بياخد دور ابن الحارة المغترب بفرنسا يلي اله علاقة و صداقة مع المندوب السامي بفرنسا ورح يتوسط عنده حتى يفك الحصار عن الحارة
صحي نسيت قلكن انو الدرك رح يحاصر الحارة بعد احداث الحلقة الاخيرة من الجزء الثالث و رح ينصب خيم حول الحارة و عربات جند وجنود الدرك - وانا طبعا مثلت دور واحد منهم - متأهبين دائما للهجوم عالحارة
وصلت على المنتزه حوالي الساعة الواحدة ظهرا بس استغربت انو معاملة المخرج و شركة الانتاج كانت مو جيدة و احلى نهفة لما خلصنا تصوير حوالي الساعة 1.5 بعد نص ليل اجا صاحب رفيقي يلي رحت انا وياه و صار يعطينا اجرتنا _ هههههههههههههههههه_ انا رايح اتسلى و بدهن يعطوني مصاري كمان بس النهفة مو هون
النهفة اديه رح يعطونا
أعطوا كل واحد من الدركيين 300 ليرة اجرة يعني حوالي 6 دولارات عن يوم كامل
والله انا مو فارقة معي وما رضيت اخدهن بس المصيبة باللي جايين يمثلوا وراضيين ياخدوا هيك مبلغ قليل جدا على تعب اكتر من 16 ساعة بدون راحة وبدون اكل - على فكرة الشباب جايبين معهم سندويش وانا مو اخد معي شي ومنيح انو دبرولنا سندويشة على الغدا - يعني استغربت مسلسل باب الحارة والملايين يلي عم يحصلوا عليها
و الشهرة وكل هاد على 6 دولار



هلأ شيلونا من سيرة المصاري و بخل شركات الإنتاج و تعالوا لقلكن شو كان دوري بالمسلسل
بعد عدة لقطات كنت فيهن جندي دركي متأهب وبندقيته موجهة باتجاه شبابيك الحارة تحت وطأة شمس قوية ذكرتني بأيام الجيش و بعد عدة استراحات صار المسا و أشعلوا النار حوالي الخيم و صار التصوير اجمل وامتع سألونا مين ما رح يجي مرة تانية
قلتلن انا
قال بتعرف تمثل انك انصبت بطلقة ووقعت
قلتلن اي بعرف
قال طيب انته رح تكون اول مصاب من الدرك لانو الثوار رح يهاجموا الحارة عالاحصنة وانته رح توقف على الحاجز و عند اول حصان بيمر وبيطلق نار لازم تنتبه و عند تاني حصان لازم تطلق رصاصة - خلبية طبعا يعني صوت وبس - و لما بيمر الحصان التالت وبيطلق النار لازم تنصاب وتوقع و بعد عدة محاولات تصوير خاطئة -طبعا العطل مو من عندي العطل من الثوار يلي راكبين عالاحصنة ما عم يعرفوا يطلقوا وهنه راكبين وراكضين- ظبط المشهد و انصبت ووقعت على الارض
و في مشهد تاني بيوقف فيه الرقيب - يلي هوه الممثل علاء قاسم بحاجبه المغطى ببياض على الجانب -بيوقف عند حاجز الدرك و انا رايح جاية وراه عم بحمي الدرك

والله كان يوم حلو وممتع بس متعب جدا
مغامرة و تجربة جميلة بس ما بتمنى انو حدا منكم يكون مكاني لانو رجعت عالبيت بعد نص ليل مرهق جدا

بعض اللقطات يلي صارت امامي :
ابو جودت وهوه عم يعتذر من جناب الكوماندان و عم يقول عن اهالي حارة الضبع انهم متل العفاريت عم يهربوا رغم الحصار
ايو جودت بيوصل لعند الحاجز وبيقول للجندي : روح قول لجناب الكوماندان انو ابو جودت رئيس مخفر الاربع حارات وصل و بيعمل كم حركة من حركاته يلي بيضحكوا
لقاء المغترب - الفنان فايز القزق - مع الكوماندان بحضور ابو جودت و الرقيب و ابو جودت كان متدايق لانو هاد المغترب رح يقدر يعمل واسطة مشان فك الحصار
الفنان فايز القزق لما بيتأهب ليدخل عالحارة و ابو جودت عم يحذره من اهل الحارة لانهم ما بيحبوا الغريب و المغترب عم يطمأنه ويقله هي حارتي يا ابو جودت لا تخاف
سمعو الدركي الهارب يلي سرق فرد ابو جودت بالجزء التالت انضم للثوار وصار يهاجم الدرك
ابو حسن عم يقود الثوار للهجوم على الدرك و اعتقد هوه غريمي يلي اصابني



غياب العكيد ابو شهاب عن الحارة لانو ابو جودت كان عميقول للكوماندان غريبة انو صرت فايت عالحارة مرتين وولا مرة شفت ابو شهاب

و بالنسبة للمعلومات يلي سمعتها :
ابو شهاب رح يكون ضيف شرف عالمسلسل و رح يمثل بس بحوالي 20 مشهد
مشاركة الفنانة ليليا الأطرش بالجزء الرابع
عودة وائل شرف للعمل والمشاركة بالجزء الرابع
مشاركة ممثل سعودي كضيف شرف بالمسلسل ورح ياخد دور صالح ابن الزعيم يلي قالوا بالجزء الاول انه توفى بس بيطلع مو متوفي و بيرجع و اسم الممثل وليد الخلف وهو يمثل لأول مرة و هو مقيم بمدينة الرقة السورية
مشاركة ممثل كبير بشخصية شرير الحارة

شو رأيكن جيراني بهالمغامرة وهي جبتلكن سبق صحفي عن بعض الاحداث يلي رح تصير بالجزء الرابع


~**~**~**~**~**~**~**~**~**~
منتديات برلين ترحب بكم

ومع تحياتي

امير بكلمتي
الرجوع الى أعلى الصفحة اذهب الى الأسفل
http://berlin.yoo7.com
*رائد*
رتبه من المدير
رتبه من المدير
avatar

ذكر عدد المساهمات : 218
نقاط : 313
تاريخ الميلاد : 30/09/1994
تاريخ التسجيل : 04/07/2009
العمر : 24
الموقع : فلسطين
المزاج : مبتهج

مُساهمةموضوع: رد: لقطات من باب الحاره الجزء الرابع   2009-07-13, 22:34

والله مشكور بس مين اللي كتب هالمقال
وعلى فكرة لو تغير كلمة لقطات أفضل
وتحولها اللى كلمة سيناريو أو حوار
الرجوع الى أعلى الصفحة اذهب الى الأسفل
obadah
عضو ذهبي
عضو ذهبي
avatar

ذكر عدد المساهمات : 221
نقاط : 309
تاريخ الميلاد : 09/02/1997
تاريخ التسجيل : 04/07/2009
العمر : 21
الموقع : جنين
المزاج : مكيف

مُساهمةموضوع: رد: لقطات من باب الحاره الجزء الرابع   2009-07-15, 13:53

طيب كيف شفت أبو جودت وهو مات بالجزء التالت
على كل مشكوووووووووور
الرجوع الى أعلى الصفحة اذهب الى الأسفل
عيوش المجرم
بدأ ينشط
بدأ ينشط


ذكر عدد المساهمات : 39
نقاط : 84
تاريخ الميلاد : 26/03/1993
تاريخ التسجيل : 22/03/2009
العمر : 25
الموقع : جنين
المزاج : مولعه

مُساهمةموضوع: رد: لقطات من باب الحاره الجزء الرابع   2009-07-29, 13:28

يا جماعه هادا المسلسل مش تافه الا شوي كيف بتحضرو مش عارف اما الي بدو يحضر اول حلقه منو ينزل على قهوة السيخ بلكي شرربنا اشي على حسابو
الرجوع الى أعلى الصفحة اذهب الى الأسفل
 
لقطات من باب الحاره الجزء الرابع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات برلين :: المنتدى العام-
انتقل الى: